INARIME vulgo ISCHIA

INARIME, vulgo ISCHIA

ins. in sinu Puteolano, non procul a Neapoli, cum urbe cogn. Episcopal. sub Archiep. Neapol. In ea mons fuit, qui terrae motum passus, alteram fudit Ins. quae Prochyte ab effusione dicta. Sub hanc ins. Typhoen Gigantem a Iove detrusum esse, auctor est Virg. Aen. l. 9. v. 715.

Tum sonitu prochyta alta tremit, durumque cubile

Inarime, Iovis imperiis, imposta Typhoeo.

Idem l. 10. v. 389. Vide sis illic Lud. de la Cerda. Plin. . 3. c. 6. Aenaria a statione navium Aeneae, Homero Inarime dicta, Graecis Pithecusa, Strabol. 13. p. 626. non a simiarum multitudine, ut aliqui existimavêre, sed a figlinis doliariorum . Quae omnia (inquit Vir Magnus) sunt perabsurda. Neque enim Homer. Inarimen dixit (licet id sequantur Virg. Ovid. Met. l. 14. v. 89. Lucan. Civ. Bell. l. 5. v. 101.Stat. Sil. Ial. alii,) sed distinctis vocibus Ε᾿ιν Α᾿ρίμοις. In Arimis. Et ab Aenea, non diceretur Aenaria, sed Aenearia, aut Aeneia potius, et a doliis Pithusa. At a simiis est Pithecusa. Vide Boch. Geogr. p. 655. Nic. Lloyd.